കേസുമായി മുന്നോട്ട് പോവാൻ താല്പര്യമില്ലെന്ന് വധു സജ
പാലക്കാട് പല്ലശ്ശേനയിൽ വധുവരന്മാരുടെ തല കൂട്ടിമുട്ടിച്ചത് സംഭവം പ്രദേശത്ത് തുടർന്ന് വരുന്ന രീതിയാണെന്ന് വധു സ. കേസുമായി മുന്നോട്ട് പോവാൻ താല്പര്യമില്ലെന്നും യുവതി വ്യക്തമാക്കി. എല്ലാവരും പറയുന്നത് കേട്ടാണ് താനും ആചാരമെന്ന് പറഞ്ഞത്. വേദനിച്ചത് കൊണ്ടാണ് പ്രതികരിച്ചത്.
മാപ്പ് പറഞ്ഞാൽ മതിയായിരുന്നു പക്ഷേ ആരും വന്നില്ലെന്നും സജ പറഞ്ഞു. കേസിൽ തലമുട്ടിച്ച സുഭാഷിനെതിരെ കൊല്ലങ്കോട് പൊലീസ് കേസെടുത്തിട്ടുണ്ട്. ദേഹോപദ്രവമേൽപിക്കൽ, സ്ത്രീത്വത്തെ അപമാനിക്കൽ എന്നീ വകുപ്പുകൾ ചേർത്താണ് കേസെടുത്തത്.
