രാഹുൽ മാങ്കൂട്ടം എംഎൽഎയെ മണ്ഡലം വിട്ട് രക്ഷപ്പെടാൻ സഹായിച്ച കോൺഗ്രസ് നേതാവിന്റെ സൂചന നൽകി ബി ജെ പി
എംഎൽഎ പാലക്കാട് വിട്ടത് കോൺഗ്രസ് നേതാവ് സി ചന്ദ്രൻറെ സഹായത്തോടെയാണ് എന്നാണ് ബിജെപി അധ്യക്ഷൻ പ്രശാന്ത് ശിവൻ ആരോപിക്കുന്നത്. രാഹുൽ രക്ഷപ്പെടാൻ ഉപയോഗിച്ചതായി പറയുന്ന ചുവന്ന പോളോ കാർ കണ്ടെത്തിയത് കഴിഞ്ഞദിവസം ഷാഫി പറമ്പിന്റെ നേതൃത്വത്തിൽ ഗ്രൂപ്പ് യോഗം ചേർന്നു എന്ന് വാർത്ത വന്ന നേതാവിന്റെ വീട്ടിൽ നിന്നാണ് എന്നായിരുന്നു പരാമർശം.
അന്ന് സി ചന്ദ്രൻറെ വീട്ടിലായിരുന്നു യോഗം ചേർന്നതായി വാർത്ത വന്നത്. കോൺഗ്രസ് നേതാക്കളും യൂത്ത് കോൺഗ്രസ് നേതാക്കളും രാഹുലിനെ സഹായിക്കുകയാണെന്നും പ്രശാന്ത് ശിവൻ ആരോപിച്ചു.
മുൻകൂർ ജാമ്യാപേക്ഷയിൽ തീരുമാനം കാത്തിരിക്കുന്ന രാഹുൽ പാലക്കാടിന്റെ അതിർത്തി മേഖലകൾ വഴി തമിഴ്നാട്ടിലെ പൊള്ളാച്ചിയിലേക്കോ കോയമ്പത്തൂരിലേക്കോ കടന്നിരിക്കാം എന്ന സംശയം പ്രത്യേക അന്വേഷണ സംഘത്തിന്റെ എന്ന പേരിൽ പ്രചരിക്കുന്നുണ്ട്. അതുകൊണ്ട് ഈ പ്രദേശങ്ങളിൽ പോലീസ് പരിശോധനയും നിരീക്ഷണവും ശക്തമാക്കിയതായും വാർത്തയുണ്ട്.
