സീറ്റ് കിട്ടാത്തതിന് പിണങ്ങുന്ന ആളല്ല താന്‍; അമ്മ മരിച്ചപ്പോള്‍ പോലും സി കൃഷ്ണകുമാര്‍ വന്നില്ല; ഇനി പാലക്കാട്ടേക്ക് പ്രചരണത്തിനും ഇല്ല;
പാലക്കാട്ടെ സ്ഥാനാര്‍ഥി സി കൃഷ്ണകുമാറിനുമെതിരെ ആഞ്ഞടിച്ചു സന്ദീപ് വാര്യര്‍. പാലക്കാട്ടേക്ക് ഇനി പ്രചരണത്തിന് ഇല്ലെന്ന് തുറന്നു പറഞ്ഞാണ് സന്ദീപ് രംഗത്തുവന്നത്.
പാലക്കാട് ഉപതിരഞ്ഞെടുപ്പില്‍ ബി.ജെ.പി. സ്ഥാനാര്‍ഥി കൃഷ്ണകുമാറിന് വിജയാശംസകള്‍ നേര്‍ന്നെങ്കിലും അതൃപ്തി പരസ്യമാക്കി കൊണ്ടാണ് അദ്ദേഹം രംഗത്തുവന്നത്. ഫേസ്ബുക്ക് കുറിപ്പിലൂടെയാണ് സന്ദീപ് തന്റെ അതൃപ്തി പരസ്യമാക്കിയത്.
തനിക്ക് ചില മാനസിക പ്രയാസങ്ങള്‍ നേരിട്ടിട്ടുണ്ടെന്നും ആത്മാഭിമാനം എന്നത് പരമപ്രധാനമാണെന്നും അദ്ദേഹം ഫെയ്സ്ബുക്കില്‍ പങ്കുവെച്ച കുറിപ്പില്‍ പറയുന്നു.
