പതിനൊന്ന് കിലോയിലധികം ഹാഷിഷ് ഓയില്‍ എക്സൈസ് പിടികൂടി. വൈപ്പിന്‍ സ്വദേശി പ്രമോദില്‍ നിന്നാണ് ലഹരി മരുന്ന് പിടികൂടിയത്.കെ എസ് ആര്‍ ടി സി ബസ് കേന്ദ്രീകരിച്ച്‌ പരിശോധന നടത്തുന്നതിനിടെയാണ് പ്രമോദിനെ പൊലീസ് പിടികൂടിയത്.
കോയമ്ബത്തൂര്‍ -ആലപ്പുഴ കെ എസ് ആര്‍ ടി സി ബസിലാണ് ഹാഷിഷ് ഓയില്‍ കടത്താന്‍ ശ്രമിച്ചത്. മൂന്ന് കോടിയിലധികം രൂപ വിലവരുന്ന ഹാഷിഷ് ഓയിലാണ് പരിശോധനയില്‍ പിടിച്ചെടുത്തത്.ആന്ധ്രയില്‍ നിന്ന് എറണാകുളത്തേക്ക് കടത്തുകയായിരുന്നുവെന്നാണ് ഇയാള്‍ എക്സൈസിന് നല്‍കിയ മൊഴി. കൂടുതല്‍ പേരെ പിടികൂടാനുണ്ടെന്നും എക്സൈസ് പറഞ്ഞു
