എന്റെ കുട്ടി ജവഹർ ബാൽ മഞ്ചിനൊപ്പം’മെമ്പർഷിപ്പ് ഡ്രൈവ് ഉദ്ഘാടനം  നടത്തി.

എന്റെ കുട്ടി ജവഹർ ബാൽ മഞ്ചിനൊപ്പം’ജെ ബി എം കോങ്ങാട് ബ്ലോക്ക് മെമ്പർഷിപ്പ് ഡ്രൈവ് ഉദ്ഘാടനം  നടത്തി.
കോങ്ങാട്:എന്റെ കുട്ടി ജവഹർ ബാൽ മഞ്ചിനൊപ്പംഎന്ന മുദ്രാവാക്യം മുൻനിർത്തിജവഹർ ബാൽ മഞ്ച് ദേശീയ തലത്തിൽ നടത്തുന്ന മെമ്പർഷിപ്പ് ഡ്രൈവ് ബ്ലോക്ക് തല ഉൽഘാടനം  കാഞ്ഞിരപ്പുഴ കോൺഗ്രസ് മണ്ഡലം കമ്മിറ്റി ഓഫീസിൽ  നടന്നു.പൗരബോധമുള്ള പുതുതലമുറയെ വാർത്തെടുക്കാൻ  കോൺഗ്രസ് നേതാക്കളും പ്രവർത്തകരും ജനാധിപത്യ മതേതര വിശ്വാസികളും തങ്ങളുടെ മക്കളേയും പേരക്കുട്ടികളേയും ജവഹർ ബാൽ മഞ്ചിൽ ചേർത്ത് ഭരണഘടന ഉറപ്പു നൽകുന്ന ജനാധിപത്യ മതേതര മൂല്യങ്ങൾ സംരക്ഷിക്കാൻ സജ്ജമാക്കണമെന്ന് പ്രസംഗകർ പറഞ്ഞു.
കോവിഡ് മാനദണ്ഡങ്ങൾ പാലിച്ചു നടക്കുന്ന മെമ്പർഷിപ്പ് ഡ്രൈവ് ബ്ലോക്ക് തല ഉൽഘാടനം  ഡിസിസി വൈസ് പ്രസിഡണ്ട് എ. രാമസ്വാമി കാഞ്ഞിരപ്പുഴ കോൺഗ്രസ് മണ്ഡലം പ്രസിഡണ്ടിന്റെ മകൻ അഭിജിത്ത് ഫ്രാൻസിസിന് മെമ്പർഷിപ്പ് നൽകി  നിർവ്വഹിച്ചു. വിദ്യാർത്ഥികൾക്ക് ഗാന്ധി ചിത്രം  വിതരണം ചെയ്തു. ജെ ബി എം ജില്ലാ കോ-ഓർഡിനേറ്റർ സജീവ് ജോർജ് മുഖ്യ പ്രഭാഷണം നടത്തി.     ജെ ബി എം കോങ്ങാട് ബ്ലോക്ക് വൈസ് ചെയർമാൻ ലിറാർ അധ്യക്ഷനായിരുന്നു. ഡി സി സി ജനറൽ സെക്രട്ടറിമാരായ എൻ ദിവാകരൻ മാസ്റ്റർ, സി അച്ചുതൻ നായർ, യു ഡി എഫ് നിയോജക മണ്ഡലം ചെയർമാൻ  ആന്റണി മതിപ്പുറം,   മണ്ണാർക്കാട് ബ്ലോക്ക് പഞ്ചായത്ത് പ്രസിഡണ്ട്  ഒ പി ഷരീഫ്,  കോൺഗ്രസ് പ്രസിഡണ്ട് മണ്ഡലം കമ്മിറ്റി പ്രസിഡണ്ട് ജോയ് ജോസഫ്, സേവാദൾ പാലക്കാട് ജില്ലാ പ്രസിഡണ്ട് ചെറൂട്ടി മുഹമ്മദ്, ജെ ബി എം മണ്ഡലം ചെയർമാൻ രാജൻ, ജെ ബി എം ബ്ലോക്ക് കോ ഓർഡിനേറ്റർ ഷാഫി എന്നിവർ പ്രസംഗിച്ചു.