കേരള ചിത്രകലാ പരിഷത്ത് , പാലക്കാട് ജില്ലാ ഘടകം കഴിഞ്ഞ പതിനഞ്ചു മാസങ്ങളായി മുടങ്ങാതെ മാസം തോറും നടത്തുന്ന ചിത്രകാരന്മാരുടെ വർണ്ണ സംഗമം ഈ മാസം 20 ന് സർക്കാർ മോയൻ എൽ.പി.സ്കൂളിൽ വച്ച് നടത്തി.
” കേവലം ലാവണ്യ ബോധത്തിൽ ഊന്നിയല്ല സൃഷ്ടി രൂപപ്പെടേണ്ടത്, കലാകാരന്റെ വിചാര വികാരങ്ങളെ വരയിലൂടെയും വർണ്ണങ്ങളിലൂടെയും ചിത്രത്തലത്തിലേക്ക് ആവാഹിയ്ക്കപ്പെടുമ്പോഴാണ് ഒരു കലാ സൃഷ്ടി രുപപ്പെടുന്നതും അത് മൗലികമാകുന്നതും” എന്ന് ചിത്രകാരൻ എൻ.ജി. ജ്വോൺസ്സൺ ഉദ്ഘാടന പ്രസംഗത്തിൽ പറഞ്ഞു.
വൈസ് പ്രസിഡന്റ് അൽഫോൻസ് വാഴപ്പിള്ളി അദ്ധ്യക്ഷത വഹിച്ച യോഗത്തിൽ മൈക്രോ ആർട്ടിസ്റ്റ് അഷ്റഫ് തറയിൽ മുഖ്യ അതിഥിയായി. സെക്രട്ടറി ശബരി ഗിരീഷ്. റ്റി, റ്റ്റെഷറർ എൽ.ആർ.പി. കുമാർ, വൈസ് പ്രസിഡന്റ്
4 ഇന്റൊ ദീപ്തി, ജോ. സെക്രട്ടറിമാരായ ഫറൂഖ് ഷാ, അജിത.കെ. വി, തുടങ്ങിയ ഭാരവാഹികൾ പ്രസംഗിച്ചു.
കലാ ശിബിരത്തിൽ ചിത്രകാരന്മാരായ സണ്ണി ആൻറണി, കൃഷ്ണൻ മല്ലിശ്ശേരി, ലില്ലി വാഴയിൽ, എൻ.കെ. ശ്രീദേവി, രാജേന്ദ്രൻ വടക്കെപ്പാടത്ത്, സുരേഷ് കണ്ണാടി, ഗോപാൽ.ജി, സുരേഷ് ഗോപിക, അഞ്ജു മോഹൻദാസ്, ശ്രീവത്സൻ മങ്കര , മേഘാലക്ഷ്മി മലമ്പുഴ, ശ്രീജി മംഗലം, ലിജിത്ത് .എൻ.ജി, സുനിൽ കുമാർ മലമ്പുഴ, കൂടാതെ ഭാരവാഹികൾ അടക്കം ഇരുപത് ചിത്രകാരന്മാർ പങ്കെടുത്തു.
64 വർഷങ്ങൾക്കു മുമ്പ് രൂപീകൃതമായതാണ്
കേരള ചിത്രകലാ പരിഷത്ത് എന്ന കലാകാരന്മാരുടെ പ്രസ്ഥാനം… വൈവിധ്യമാർന്ന കലാ ചരിത്രം ഉറങ്ങിക്കിടക്കുന്ന പാലക്കാടിന്റെ സാംസ്കാരിക ഭൂമികയിൽ വരകളുടേയും വർണ്ണങ്ങളുടേയും നവ വസന്തം നിരന്തരം ചാർത്തുന്ന
കേരള ചിത്രകലാ പരിഷത്ത് പാലക്കാട് ഘടകം ഈ കൊവിഡ് 19 കാലത്ത് പോലും മുടങ്ങാതെ 16 ഓൺലൈൻ കലാ ശിബിരങ്ങളും, ദേശീയതലത്തിൽ രണ്ടും സംസ്ഥാന തലത്തിൽ ആറ് ചിത്ര പ്രദർശനങ്ങളും
നടത്തി.
കേരളത്തിലെ കലാകാരന്മാരുടെ സർഗ്ഗ പ്രവർത്തനങ്ങൾക്ക് താങ്ങായും തണലായും വർത്തിച്ച് നിരവധി അവസരങ്ങൾ ഒരുക്കി അതിജീവനത്തിന്റെ ഭാഗമായി ചിത്രങ്ങളുടെ വില്പനയും അന്താരാഷ്ട്ര പ്രദർശനങ്ങളും സംഘടിപ്പിക്കുവാൻ ഈ സമിതിക്ക് കഴിഞ്ഞു.