എം.പി. ശ്രുതിക്ക് ചീഫ് മിനിസ്റ്റേഴ്‌സ് സ്കോളർഷിപ്പ്
വീരാവുണ്ണി, പട്ടാമ്പി
==============
പട്ടാമ്പി: ഗവ. സംസ്കൃത കോളേജിലെ എൻ സി സി സീനിയർ അണ്ടർ ഓഫീസർ എം പി ശ്രുതിക്ക് 2020-21 ലെ ചീഫ് മിനിസ്റ്റേഴ്‌സ് സ്കോളർഷിപ്പ് ലഭിച്ചു. ഒറ്റപ്പാലം 28 കേരള എൻ സി സി ബറ്റാലിയനു കീഴിലുള്ള മുപ്പതോളം വിദ്യാലയങ്ങളിൽ നിന്നും, ഈ വർഷം ഈ സ്കോളർ ഷിപ്പ് നേടുന്ന ഏകവിദ്യാർത്ഥിനിയാണ് ശ്രുതി. പട്ടാമ്പി പുവ്വക്കോട് മണ്ണും പള്ളി യാലിൽ സുരേന്ദ്രൻ - രജനി ദമ്പതികളുടെ മകളായ ശ്രുതി, പട്ടാമ്പി കോളേജിലെ മൂന്നാം വർഷ ബി ബി എ വിദ്യാത്ഥിനിയാണ്. കഴിഞ്ഞ ജനുവരി 26 ന് ഡൽഹിയിൽ നടന്ന റിപ്പബ്ളിക് ദിന പരേഡിൽ കേരളത്തെ പ്രതിനിധീകരിച്ച് ശ്രുതി പങ്കെടുത്തിരുന്നു. സ്കോളർഷിപ്പ് ലഭിച്ച ശ്രുതിയെ 28 കേരള ബറ്റാലിയൻ അഡ്മിനിസ്ട്രേറ്റീവ് ഓഫീസർ ലഫ്.കേണൽ പ്രേംജിത്ത്, പ്രിൻസിപ്പൽ ഡോ.സജി സ്റ്റീഫൻ , എൻ സി സി ഓഫീസർ ക്യാപ്റ്റൻ ഡോ.പി.അബ്ദു എന്നിവർ അഭിനന്ദിച്ചു.
