മണ്ണാർക്കാട്:- അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച് സയൻസ് ക്ലബ്ബിന്റെ ആഭിമുഖ്യത്തിൽ ഇർഷാദ് ഹൈസ്കൂൾ ചങ്ങലീരിയിൽ വിദ്യാർത്ഥികൾക്കായി ബോധവൽകരണ ക്ലാസ്സ് സംഘടിപ്പിച്ചു.സമൂഹത്തിലെ വിദ്യാർത്ഥികൾക്കിടയിൽ മദ്യത്തിന്റെയും മറ്റു ലഹരി വസ്തുക്കളുടെയും ഉപയോഗവും അതുമൂലമുണ്ടാകുന്ന പ്രശ്നങ്ങളും അനുദിനം വർധിച്ചു വരുന്നതിന്റെ കാരണങ്ങളും അതിനെ മറികടക്കാനുള്ള പരിഹാരങ്ങളെക്കുറിച്ചും മണ്ണാർക്കാട് ജനമൈത്രി പോലീസ് സ്റ്റേഷനിലെ ഹെഡ് കോൺസ്റ്റബിൾ രാജകൃഷ്ണൻ വിദ്യാർത്ഥികളോട് സംസാരിച്ചു.
കോൺസ്റ്റബിൾ ഉണ്ണികൃഷ്ണൻ വിദ്യാർത്ഥികൾക്ക് പ്രതിജ്ഞ ചൊല്ലിക്കൊടുത്തു. സ്കൂൾ പ്രിൻസിപ്പാൾ മുഹമ്മദ് റിയാസ് സ്വാഗതവും സയൻസ് ക്ലബ് കൺവീനർ വിദ്യ ടീച്ചർ നന്ദിയും പറഞ്ഞു.
