തിരുവിഴാംകുന്ന്: തിരുവിഴാംകുന്ന് -കോട്ടോപ്പാടം റോഡിലെ കൊന്നാരം പാലത്തിനുസമീപം മിനിലോറി മറിഞ്ഞ് രണ്ടുപേർക്ക് പരിക്ക്. ചൊവ്വാഴ്ച ഉച്ചയ്ക്ക് 12.30നാണ് അപകടം.
തിരുവിഴാംകുന്ന് തോണൂരാൻ വീട്ടിൽ റിയാസുദ്ദീൻ (36), നാട്ടുകൽ നെടുപാറകളം അഖിൽ (25)എന്നിവർക്കാണ് പരിക്ക് പറ്റിയത്. തിരുവിഴാംകുന്ന് നിന്നും കോട്ടോപ്പാടം ഭാഗത്തേക്ക് കെട്ടിടനിർമാണ സാധനങ്ങൾ കയറ്റിവരുന്ന മിനിലോറിയാണ് അപകടത്തിൽപ്പെട്ടത്. ഓടിക്കൂടിയ നാട്ടുകാരാണ് പരിക്കേറ്റവരെ രക്ഷപ്പെടുത്തി ആശുപത്രിയിൽ എത്തിച്ചത്. അപകടത്തിൽ റിയാസിന്റെ കൈയൊടിഞ്ഞിട്ടുണ്ടന്നും അഖിലിന് തലയ്ക്കാണ് പരിക്ക് പറ്റിയതെന്നും വട്ടമ്പലം മദർ കെയർ ആശുപത്രി അധികൃതർ അറിയിച്ചു