പാലക്കാട് നഗരത്തിൽ ബൈക്കുകൾ തമ്മിൽ കൂട്ടിയിടിച്ചു മൂന്നു പേർക്ക് പരിക്ക് . കോയമ്പത്തൂർ – കോഴിക്കോട് ബൈപ്പാസിൽ ലാൽ ജംഗ്ഷനിൽ രാവിലെ എട്ടുമണിക്ക് ആയിരുന്നു അപകടം.
നിലമ്പൂർ സ്വദേശികളായ ദീപു, അഭിജിത്ത്, മാട്ടുമന്ത N K പാളയം സ്വദേശിയായ ഗുരുവായൂരപ്പൻ എന്നിവർക്കാണ് പരിക്കേറ്റത്. സിഗ്നൽ മറികടക്കാനുള്ള ശ്രമത്തിലാണ് ബൈക്കുകൾ തമ്മിൽ കൂട്ടിയിടിച്ചത്. അമിത വേഗത്തിലായിരുന്നു ബൈക്കുകൾ. അപകടത്തിൽ പരിക്കേറ്റ മൂന്ന് പേരും പാലക്കാട് ജില്ലാ ആശുപത്രിയിൽ ചികിത്സയിലാണ്.
