നൊട്ടമലയിൽ വാഹനാപകടം; ഒരാൾ മരണപ്പെട്ടു
മണ്ണാർക്കാട്: പാലക്കാട് – കോഴിക്കോട് ദേശീയപാത നൊട്ടമലയിൽ ഇന്ന് (06 – 09 – 2021) രാത്രി പിക്കപ്പ് വാൻ ഇടിച്ച് വഴിയാത്രികൻ മരണപ്പെട്ടു. നൊട്ടമല കിഴക്കും പറമ്പിൽ കുഞ്ഞിമുഹമ്മദാണ് മരണപ്പെട്ടത്. കുഞ്ഞിമുഹമ്മദിനെ ഇടിച്ച് വീഴ്ത്തിയ പിക്കപ്പ് വാൻ നിർത്താതെ പോവുകയായിരുന്നു. അപകടം നടന്നയുടനെ നാട്ടുകാർ കുഞ്ഞിമുഹമ്മദിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. നിർത്താതെ പോയ വാഹനം നാട്ടുകാരാണ് കൊറ്റിയോട് വെച്ച് തടഞ്ഞു വെച്ച്, ഡ്രൈവറെ പോലീസിൽ ഏൽപ്പിച്ചത്.
