അപകടത്തിൽ യുവാവ് മരിച്ചു.
പാലക്കാട്-പൊള്ളാച്ചി പാതയിൽ പാറ ജംക്ഷനു സമീപം ഇന്നു പുലർച്ചെ ബൈക്ക് നിയന്ത്രണം തെറ്റി മറിഞ്ഞ് യുവാവ് മരിച്ചു; ബൈക്ക് ഓടിച്ചയാൾക്ക് ഗുരുതരമായി പരുക്കേറ്റു. കുന്നാച്ചിയിലെ ഹോട്ടൽ ജീവനക്കാരനും പാറ സ്വദേശിയുമായ രാജീവ് (36) ആണ് മരിച്ചത്. ബൈക്ക് ഓടിച്ച തിരുച്ചിറപ്പള്ളി സ്വദേശി അനന്തനാണ് (28) പരുക്കേറ്റത്.
ഇന്നു പുലർച്ചെ 1.45 ന് ഹോട്ടലിൽ ജോലി കഴിഞ്ഞ് ഇരുവരും വീട്ടിലേക്കു മടങ്ങുമ്പോഴാണ് അപകടം. റോഡിൽ വീണു ചോര വാർന്നു കിടന്ന ഇരുവരെയും സമീപത്തെ കൃഷ്ണശ്രീ കല്യാണ മണ്ഡപത്തിലുണ്ടായിരുന്നവരാണ് ജില്ലാ ആശുപത്രിയിലെത്തിച്ചത്. രാജീവിന്റെ മൃതദേഹം ജില്ലാ ആശുപത്രി മോർച്ചറിയിൽ. കസബ പൊലീസ് കേസെടുത്തു അന്വേഷണം ആരംഭിച്ചതായാണ് അറിയാൻ കഴിയുന്നത്
