കൽപ്പാത്തി ദേശീയ സംഗീതോത്സവം നവംബർ 9 മുതൽ 13 വരെ
*മന്ത്രി പി.സി. വിഷ്ണുനാഥ് ഉദ്ഘാടനം ചെയ്യും
കൽപ്പാത്തി രഥോത്സവത്തോടനുബന്ധിച്ച് ജില്ലാ ടൂറിസം പ്രൊമോഷൻ കൗൺസിലിന്റെ ആഭിമുഖ്യത്തിലും സംസ്ഥാന ടൂറിസം, സാംസ്കാരിക വകുപ്പുകളുടെ സഹകരണത്തോടെയും സംഘടിപ്പിക്കുന്ന കൽപ്പാത്തി ദേശീയ സംഗീതോത്സവം നവംബർ 9 മുതൽ 13വരെ നടക്കും. സംഗീതോത്സവത്തിന്റെ ഉദ്ഘാടനം നവംബർ 9-ന് വൈകുന്നേരം ആറിന് ടൂറിസം, സാംസ്കാരിക വകുപ്പ് മന്ത്രി പി.സി. വിഷ്ണുനാഥ് ഉദ്ഘാടനം ചെയ്യും. രമേശ് പിഷാരടി എം.എൽ.എ അധ്യക്ഷത വഹിക്കും. പട്ടികജാതി, പട്ടികവർഗ്ഗ, പിന്നോക്ക ക്ഷേമ വകുപ്പ് മന്ത്രി കെ.എ തുളസി ചടങ്ങിൽ വിശിഷ്ടാതിഥിയായും വി.കെ. ശ്രീകണ്ഠൻ എം.പി മുഖ്യതിഥിയായും പങ്കെടുക്കും. കൽപ്പാത്തി ചാത്തപുരം മണി അയ്യർ റോഡിൽ പ്രത്യേക സജ്ജീകരിച്ച വേദിയായ ഡോ. സി.വി. കൃഷ്ണമൂർത്തി നഗറിലാണ് സംഗീതോത്സവം നടക്കുന്നത്.
ജില്ലാ കളക്ടർ കെ.സുധീർ, ജില്ലാ പഞ്ചായത്ത് പ്രസിഡന്റ് എസ്.ബി. രാജു, പാലക്കാട് നഗരസഭ ചെയർപേഴ്സൺ പി. സ്മിതേഷ് എന്നിവർ പരിപാടിയിൽ പങ്കെടുക്കും.
നവംബർ 9 ന് വൈകുന്നേരം 7ന് മൈസൂർ നാഗരാജ് & മൈസൂർ മഞ്ജുനാഥ് എന്നിവരുടെ വയലിൻ ഡ്യൂയറ്റ്. അനന്ത ആർ. കൃഷ്ണൻ (മൃദംഗം), വാഴപ്പള്ളി ആർ. കൃഷ്ണകുമാർ (ഘടം)
നവംബർ 10ന് വൈകീട്ട് 5-ന് ചിറ്റൂർ സർക്കാർ കോളേജിലെ സംഗീത വിഭാഗം വിദ്യാർത്ഥികളുടെ സംഗീത കച്ചേരി. വൈകുന്നേരം 7-ന് റിത്വിക് രാജയുടെ സംഗീത കച്ചേരി. വിറ്റൽ രംഗൻ (വയലിൻ), ജെ. വൈദ്യനാഥൻ (മൃദംഗം), ഡോ. എസ്. കാർത്തിക് (ഘടം)
നവംബർ 11 ന് വൈകീട്ട് 5-ന് മാസ്റ്റർ രാഘവ് കൃഷ്ണയുടെ മാന്റോലിൻ കച്ചേരി. സായ്പ്രസാദ് (വയലിൻ), രാജഗോപാലൻ രാമമൂർത്തി (മൃദംഗം). വൈകുന്നേരം 7-ന് അമൃത മുരളിയുടെ സംഗീത കച്ചേരി. ആലങ്കോട് വി.എസ്. ഗോകുൽ (വയലിൻ), എൻ.സി. ഭരദ്വാജ് (മൃദംഗം), കടനാട് ജി. ആനന്ദകൃഷ്ണൻ (ഗഞ്ചിറ).
നവംബർ 12ന് രാവിലെ 10.30-ന് ത്യാഗരാജ ആരാധന, പഞ്ചരത്ന കീർത്തനാലാപനം. വൈകീട്ട് 5-ന് പാലക്കാട് ചെമ്പൈ സ്മാരക സർക്കാർ സംഗീത കോളേജിലെ വിദ്യാർത്ഥികൾ അവതരിപ്പിക്കുന്ന സംഗീത കച്ചേരി. വൈകുന്നേരം 7-ന് ഡോ. വി.ആർ. ദിലീപ്കുമാറിന്റെ സംഗീത കച്ചേരി. ഇടപ്പള്ളി അജിത്കുമാർ (വയലിൻ), കല്ലേക്കുളങ്ങര ഉണ്ണികൃഷ്ണൻ (മൃദംഗം), ഉടുപ്പി ശ്രീകാന്ത് (ഗഞ്ചിറ).
നവംബർ 13 (സമാപന ദിവസം) വൈകീട്ട് 4-ന് സർവ്വശ്രീ സുഗേഷിന്റെ സംഗീത കച്ചേരി. വിജയൻ കോഴിക്കോട് (വയലിൻ), ആലത്തൂർ പി.ബി. കൃഷ്ണൻ (മൃദംഗം). വൈകീട്ട് 5-ന് ഡോ. സന്താല രാജുവിന്റെ സംഗീത കച്ചേരി. ആദിത്യ അനിൽ (വയലിൻ), ട്രിച്ചൂർ ശ്രീനാഥ് (മൃദംഗം). വൈകുന്നേരം 7-ന് ഡോ. കശ്യപ് മഹേഷിന്റെ സംഗീത കച്ചേരി. എം.എ. കൃഷ്ണസാമി (വയലിൻ), പാലക്കാട് എ. ഗണേശൻ (മൃദംഗം), കോട്ടയം ഉണ്ണികൃഷ്ണൻ (ഘടം) എന്നിവ ഉണ്ടാവും.
